Prisca Mkungwa, afisa wa kliniki kutoka kusini-magharibi mwa Tanzania, hupitia misitu na maeneo magumu, hata mito iliyofurika ikionesha athari ya mabadiliko ya tabiachi, kuwafikia watoto katika kijiji kilichoathiriwa na surua. Hubeba chanjo, vitamini A, dawa za minyoo na vifaa vya elimu muhimu kwa afya ya watoto na familia.
Mahmoud, mhudumu wa afya katika jimbo la Bahari Nyekundu, husafiri kwa gari, ngamia na punda kuwafikia watoto wanaohitaji chanjo ya polio katika maeneo yasiyofikika kirahisi. Anasema, “Hawa ni watoto wetu, hivyo tunafanya kila juhudi kuwafikia kupitia kampeni za afya.”
Ivy Lotilia, msimamizi wa kampeni ya utoaji chanjo ya matone ya polio katika kaunti ya West Pokot anapita nyumba kwa nyumba kutoa chanjo ili kufikia watoto wengi zaidi walio hatarini, anasema “Nyumba ziko mbalimbali na kutoka nyumba moja hadi nyingine natembea kama dakika 30, kuna milima na kuna mabonde hata mito tunavuka, kwa kweli natembea mwendo mrefu sana.”