Vita vyasambaratisha raia nchini Jamhuri ya Kidemokrasia ya Congo, DRC, Umoja wa Mataifa unafanya nini?

Wakimbizi kutoka DRC wamejaa katika uwanja wa michezo wa Rugombo, kaskazini-magharibi mwa Burundi. Nchini Burundi na Uganda, maeneo ya mapokezi kwa wageni hawa yamefurika kupita uwezo

Miezi ya mapigano huko Jamhuri ya Kidemokrasia ya Congo (DRC) imewalazimu mamia ya maelfu ya watu kukimbia makazi yao. Maelfu kati yao wanatafuta usalama katika nchi jirani. Kadri ghasia na uhamishaji wa watu vinavyozidi kuongezeka, Burundi na Uganda zimekuwa kimbilio salama kwa maelfu ya wakimbizi kutoka DRC. Burundi imepokea idadi kubwa zaidi ya wakimbizi, na kwa kushirikiana na mamlaka za Burundi pamoja na washirika wa kibinadamu, WFP inatoa msaada wa chakula wa kuokoa maisha kwa wakimbizi hao.

DRC. Kurejeshwa kwa usambazaji wa chakula huko Bweremana, Kivu Kaskazini. Linda anapokea msaada wa chakula kutoka WFP huko Bweremana, kaskazini mashariki mwa DRC. Anatumaini kwamba utawasaidia familia yake hadi msimu wa mavuno.

Kuongezeka kwa bei ya chakula , masoko kuvurugwa na upatikanaji mdogo wa misaada ya kibinadamu vinazidi kufanya iwe vigumu kwa familia kupata chakula. Watu katika Jamhuri ya Kidemokrasia ya Congo (DRC) wanakabiliwa na uhaba mkali wa chakula.

DRC. Ugawaji wa chakula wa WFP katika kambi ya watu waliokimbia makazi karibu na Goma mnamo mwezi Desemba.

Jamhuri ya Kidemokrasia ya Congo (DRC) inakabiliwa na janga kubwa la njaa duniani. Njaa inaendeleza hali hiyo, huku migogoro inayotumia silaha na uhamishaji mkubwa wa watu vikichochea zaidi tatizo hilo. WFP iliwafikia mamilioni ya watu na kuwapa msaada wa kuokoa maisha wa chakula, kifedha na huduma za lishe.

Kaskazini Mashariki mwa Kivu, DRC: Tarehe 3 Desemba 2024, kikosi cha Morocco cha Munigi POB kilifanya doria katika kambi ya Kanyaruchinya kwa ajili ya watu waliokimbia makazi. Lengo la mpango huu lilikuwa kuimarisha usalama na kuhakikisha ulinzi wa raia …

Kadri mzozo katika mashariki mwa Jamhuri ya Kidemokrasia ya Congo (DRC) unavyozidi kuongezeka katika miezi ya hivi karibuni, ujumbe wa kulinda amani wa Umoja wa Mataifa, MONUSCO, imeendelea kufanya kazi ya kuwalinda raia katika maeneo yanayodhibitiwa na kundi la waasi la M23 linaloungwa mkono na Rwanda katika jimbo la Kivu Kaskazini.

MONUSCO/Aubin Mukoni

Huko Goma, Kaskazini mwa Kivu, WHO DR Congo, kwa msaada wa FCDO Serikali ya Uingereza na Global Fund, ilileta tani 14 za vifaa muhimu vya matibabu.

Shirika la Afya Duniani (WHO) linatoa msaada muhimu wa huduma za afya katika Jamhuri ya Kidemokrasia ya Congo (DRC), kwa kukabiliana na milipuko ya magonjwa na kuboresha miundombinu ya afya. Kwa kushirikiana na wadau wa ndani na wa kimataifa, WHO husambaza vifaa vya dharura vya tiba, huendesha kampeni za chanjo, na kuimarisha mfumo wa afya ili kuwafikia watu walio hatarini katika maeneo ya mbali.

Umoja wa Mataifa unaendelea kutoa msaada wa kibinadamu kwa watu waliokimbia makazi kutokana na mapigano ya silaha katika mkoa wa Kaskazini mwa Kivu, mashariki mwa DRC.

Huko Kivu Kaskazini,DRC, UNICEF inatoa msaada wa chakula wa kuokoa maisha kwa familia zinazokabiliwa na njaa kali kutokana na mzozo unaoendelea na uhamishaji wa watu. Kwa kuzingatia walio hatarini zaidi, wakiwemo watoto, UNICEF inasambaza chakula muhimu ili kuhakikisha familia zinaweza kuendelea kuishi na kuanza safari ya kurejea katika hali ya kawaida.

Mbali na chakula, UNICEF pia inafanya kazi ya kuboresha upatikanaji wa maji safi, huduma za afya, na elimu, ikishughulikia mahitaji ya jumla ya jamii zilizo katika mgogoro.

Chakula na vifaa vya nyumbani huwasilishwa kwa watu ambao wamerejea makwao huko Buhumba mashariki mwa Jamhuri ya Kidemokrasia ya Congo.

Katika mazingira ya migogoro, uhamishaji wa watu, na majanga, OCHA inahakikisha kuwa chakula, huduma za afya, maji safi na makazi vinawafikia wale wanaohitaji msaada. OCHA inaleta mabadiliko ya kweli na kuleta tumaini kwa wale walioathiriwa na mgogoro nchini DRC.

Kituo cha afya kinachoungwa mkono na UNFPA huko Goma, ambapo wanawake waliopoteza makazi wanaweza kupata huduma ya uzazi bila malipo.

Huko Jamhuri ya Kidemokrasia ya Congo, upatikanaji wa huduma za afya ya uzazi ulikuwa hafifu na hivyo kuna viwango vya juu zaidi vya vifo vya kina mama. UNFPA imepeleka wakunga zaidi na wahudumu wa jamii kote Goma ili kuhakikisha huduma zinaendelea kutolewa bila kusitishwa na kupunguza vifo vya kina mama na watoto wachanga.

Katika Kituo cha afya cha Kikristo cha Kyeshero Light center huko Goma, wakunga wawili wanaoungwa mkono na UNFPA humchunguza Bi Azina kwa dalili zozote za hatari zinazohusiana na ujauzito wake.

UNFPA hutoa huduma muhimu za kibinadamu nchini DRC, ikilenga afya ya uzazi na afya ya kijinsia kwa wanawake na wasichana. Katika mazingira ya migogoro na uhamishaji wa watu, UNFPA inatoa huduma za afya ya uzazi , vifaa vya afya ya uzazi, na msaada kwa waathirika wa ukatili wa kijinsia.