Matunda yaliyopatikana kufuatia Beijing 1995

Vijana wa kike hushiriki katika warsha ya teknolojia huko Kigali, Rwanda.

Kuondoa unyanyasaji wa kijinsia katika ubunifu na matumizi ya Akili Mnemba au AI huanza kwa kutanguliza usawa wa kijinsia kama lengo, wakati ubunifu wa mifumo ya AI. Wasichana na wanawake wakishiriki katika sayansi hutoa mchango mkubwa katika nyanja hizi za teknolojia.

UN Women

Hawa’a Mohamed Kamil ni mmoja wa manusura wa ukeketaji wa wanawake nchini Djibouti.

"Bado nakiona kisu, na yule mwanamke aliyenishikilia chini," anasema Hawa'a Mohamed Kamil. Sasa ana umri wa miaka 30, alikeketwa akiwa na umri wa miaka sita tu - uzoefu ambao haukuacha tu makovu ya kimwili lakini pia ya kisaikolojia. Sasa anaongoza harakati dhidi ya ukeketaji nchini mwake Djibouti.

Caroline Leboo(kulia) na Josephine Kasoo wanachama wa kikundi cha wanawake cha Nabulu Mukuri wakionesha mmea wa shubiri

Shirika la Umoja wa Mataifa la Chakula na Kilimo, FAO nchini Kenya limejengea uwezo wanawake hawa wa Nabulu Mukuri kutumia mmea wa shubiri kutengeneza bidhaa za ngozi na hivyo kujipatia kipato na hatimaye kujikwamua kiuchumi.

UN News/Thelma Mwadzaya

Nicole ni mmoja wa wanawake wachache wanaofanya kazi kwenye meli na bandari huko Port Victoria, Seychelles. Anafanya kazi katika SOCOMEP, biashara ambayo hutoa huduma kwa tasnia kubwa zaidi ya Seychelles - uvuvi wa tuna wa viwandani.

UN Women inasema wanawake wanapostawi kwenye ajira, wanakuwa kwenye nafasi nzuri zaidi kufanikisha haki zao. Lakini ajira hiyo iwe fanisi, kwenye mazingira huru, salama, yenye uwiano, na utu.

UN Women/Ryan Brown

Juba, Oktoba 23, 2024: Kongamano la Mwaka la Kitaifa la Wanawake, Amani na Usalama la mwaka 2024 lilileta pamoja Ujumbe wa Umoja wa Mataifa nchini Sudan Kusini (UNMISS) na washikadau wakuu ili kuchunguza mikakati ya kukuza uongozi wa wanawake katika mich…

Ushiriki wa wanawake kwenye michakato ya amani, kuanzia kwenye meza za kupanga mikakati hiyo, ni muhimu mathalani Sudan Kusini ambako (UNMISS) na washikadau wakuu walifanya kongamano la pamoja mwaka jana ili kuchunguza mikakati ya kukuza uongozi wa wanawake katika michakato ya kisiasa, amani na kidemokrasia.

UNMISS/Isaac Billy

: Katika kambi ya wakimbizi ya Bakasi huko Maiduguri, Nigeria wahamasishaji wa jamii wanazungumza na waathiriwa wa mafuriko kuhusu jinsi ya kupata msaada dhidi ya ukatili wa kijinsia, ambao unaongezeka.

Majanga yatokanayo na mabadiliko ya tabianchi yanapotokea, ukatili wa kingono dhidi ya wanawake nao hushamiri. Ndio maana wataalamu wa shirika la Umoja wa Mataifa la Afya ya Uzazi na Idadi ya Watu (UNFPA) nchini Nigeria linaelimisha wakimbizi hapa Maiduguri, jinsi ya kujikinga na ukatili wa kijinsia unaoweza kuwakumba.

UNFPA Nigeria/Dawali David Exodus

Mtandao wa Cantadora nchini Colombia ni kundi la waimbaji wanaotumia muziki wa jadi wa Colo,mbia wenye asili ya kiafrika kuhamasisha vijana katika ujenzi wa amani

Wanawake nchini Colombia wanatumia nyimbo za kitamaduni kuchagiza amani na kuchochea vijana kushiriki katika ujenzi wa amani katika taifa hilo linalogubikwa na ghasia zinazohusishwa na magenge ya uhalifu ya dawa za kulevya.

UN Women/Ryan Brown

Makungwi wa ndoa za kitamaduni mjini Katete, jimboni Mashariki nchini Zambia likiongozwa na Martha Banda (kushoto).

Hawa ni makungwi wa ndoa za kimila nchini Zambia. Kupitia mafunzo yaliyotolewa na UNFPA nchini Zambia, sasa wanahakikisha hakuna msichana anaolewa akiwa na umri wa chini ya miaka 20, hata baada ya Bunge kupitisha sheria ya kupiga marufuku ndoa za kiserikali, kimila na kidini kwa watoto wa kike wenye umri wa chini ya miaka 18.

UNFPA Zambia