Umoja wa Mataifa umesema bado unawasiwasi mkubwa wa hatma ya usalama wa takriban raia milioni 3 huko Idlib Syria ambako zaidi ya nusu ya watu wote wametawanywa na kuwa wakimbizi wa ndani kufuatia ripoti za kuendelea kwa mashambulizi ya anga katika eneo hilo.
Mkutano wa kwanza wa ngazi ya juu kuhusu wakimbizi umefunga pazia huko Geneva, Uswisi ukiwa na ahadi lukuki za kusaidia wakimbizi na jamii zinazowahifadhi huku ahadi nyingi zaidi zikijikita katika usaidizi wa muda mrefu hususan ujumuishaji.
Nchini Ujerumani mafunzo mahsusi yanayotolewa na kampuni za kijerumani kwa wakimbizi yameleta siyo tu matumaini kwa wakimbizi bali pia kusaidia kujenga utangamano na jamii zinazowazunguka.
Mabadiliko ya tabianchi yanatokea. Joto duniani sasa hivi ni nyuzi joto 1.1 zaidi ya ilivyokuwa mwanzoni mwa mapinduzi ya viwanda, na tayari linaleta madhara makubwa kwa ulimwengu, na kwa maisha ya watu. Ikiwa kiwango cha sasa kitazidi, basi kiwango cha joto duniani kinaweza kuongezeka kwa nyuzi joto 3.4 hadi 3.9 kwenye kipimo cha selsiyasi katika karne hii, kiwango ambacho kinaweza kusababisha madhara makubwa zaidi na yenye uharibifu kwa tabianchi.
Kuwekeza katika mfuko wa dharura wa Umoja wa Mataifa, CERF si tu kunafanikisha usaidizi wa kibinadamu bali pia ni kuwekeza katika kuboresha kazi za chombo hicho chenye wanachama 193, amesema Katibu Mkuu Antonio Guterres jijini New York, Marekani hii leo wakati akifungua kikao cha ngazi ya juu cha kuchangia mfuko huo ulioanzishwa mwaka 2006.
Ofisi ya haki za binadamu ya Umoja wa Mataifa (OHCHR) imesema licha ya usitishwaji wa mapigano Kaskazini Mashariki mwa Syria, bado inatiwa wasiwasi na mambo mawili yanayoendelea na athari zake za moja kwa moja kwa raia.
Watu zaidi ya milioni 168 kote duniani mwaka 2020 watahitaji msaada wa kibinadamu na ulinzi katika migogoro inayoendelea kwenye nchi Zaidi ya 50 limesema shirika la Umoja wa Mataifa la kuratibu mimasuala ya kibinadamu na misaada ya dharura OCHA.
Shirika la kuhudumia watoto la Umoja wa Mataifa UNICEF limetoa ombi lake la dharura la dola bilioni 4.2 kuwasaidia watoto milioni 59 na msaada wa kuokoa katika nchi 64 kote duniani. Ndilo ombi kubwa zaidi likiwa mara tatu zaidi ya lile lilotolewa mwaka 2010.
Katika makao makuu ya Umoja wa Mataifa jijini New York, Marekani, kumefanyika tukio maalum la kuadhimisha siku ya kimataifa ya kutokomeza ukatili dhidi ya wanawake inayaoshiria kuanza kwa siku 16 za harakati za kupinga ukatili kwa wanawake na wasichana.
Mzozo nchini Syria unaendelea kuua na kujeruhi raia huku ripoti zikisema ufyatuaji wa makombora kwenye kwa makazi ya watu wanaokimbia machafuko katika maeneo ya kaskazini magharibi siku ya Jumatano usiku, umesababisha watu 12 kupoteza maisha na makumi wengine ikiwemo watoto kujeruhiwa, yamesema mashirika ya Umoja wa Mataifa ya misaada ya kibinadamu hii leo.
