Hali ya usalama mashariki mwa Jamhuri ya Kidemokrasia ya Congo, DRC imezorota tangu kukamilika kwa uchaguzi mkuu nchini humo mwishoni mwa mwezi Desemba mwaka jana, amesema Mwakilishi Maalum wa Katibu Mkuu wa Umoja wa Mataifa nchini humo, Bintou Keita wakati akihutubia Baraza la Usalama la Umoja wa Mataifa hii leo.
Nimeshuhudia njaa mara nyingi sana wakati wa utoto wangu, kabla ya kwenda shule tulikuwa na njaa na kabla ya kulala tulikuwa na njaa, ndivyo asemavyo mwanamuziki Innocent Balume, al maaruf Innoss’B ambaye ametangazwa kuwa muungaji mkono wa ngazi ya juu wa shirika la Umoja wa Mataifa la Mpango wa Chakula duniani, WFP katika kusongesha milo yenye afya na lishe bora nchini mwake Jamhuri ya Kidemokrasia ya Congo.
Shirika la Umoja wa Mataifa la Kuhudumia wakimbizi (UNHCR) limetoa wito wa kuchukuliwa hatua za haraka kutokana na ongezeko la hatari kwa watu waliokimbia makazi yao mashariki mwa Jamhuri ya Kidemokrasia ya Congo DRC.
Umoja wa Mataifa unasema wananchi milioni 23.4 sawa na robo ya wananchi wote takriban milioni 96 wa Jamhuri ya Kidemokrasia Kongo DRC, wanakabiliwa na njaa. Wengi wa wananchi hao wanaishi katika hali duni na yenye msongamano wa watu wasio na uwezo wa kupata chakula, huduma za afya na elimu.
Katibu Mkuu wa Umoja wa Mataifa António Guterres amelaani shambulizi ambalo limetokea jana Jumamosi Machi 16 na kujeruhi wanajeshi wanane wa Umoja wa Mataifa wa kulinda amani nchini Jamhuri ya Kidemokrasia ya Congo, DRC, wakati wa mapigano kati ya waasi wenye nguvu wa M23 na wanajeshi wa Serikali.
Hii leo huko jimboni Kivu Kaskazini mashariki mwa Jamhuri ya Kidemokrasia ya Congo, DRC, kikosi cha 10 cha Tanzania (TANZBATT-10) kilichoko kwenye brigedi ya mapigano (FIB) ya ujumbe wa Umoja wa Mataifa wa kulinda amani nchini humo, MONUSCO imekabidhi majukumu kwa kikosi cha 11, TANZBATT-11, katika hafla iliyofanyika eneo la Beni-Mavivi. Msimulizi wetu ni Kapteni Abubakari Muna, Afisa Habari wa TANZBATT-10.
Mkurugenzi Mtendaji wa Shirika la Umoja wa Mataifa la mpango wa chakula duniani WFP yupo ziarani nchini Jamhuri ya Kidemokrasia ya Congo DRC ambapo katika kuelekea siku ya wanawake duniani itakayoadhimishwa Ijumaa Machi 8 wiki hii ametembelea vikundi vya wanawake wajasiriamali wanaojishughulisha na shughuli mbalimbali za kuwaingizia kipato .
“Hii miradi ya kujenga soko hili ilitokana na mahitaji ya wanawake wa wilaya Mulekera,” ni kauli ya Benge Mukengere, mkazi wa jimbo la Kivu Kaskazini nchini Jamhuri ya Kidemokrasia ya Congo, DRC akizungumzia moja ya miradi yenye lengo la kuwainua wanawake, miradi iliyofanikishwa na ujumbe wa Umoja wa Mataifa wa kulinda amani nchini humo, MONUSCO.
Harakati za ujumbe wa Umoja wa Mataifa wa kulinda amani nchini Jamhuri ya Kidemokrasia ya Congo, DRC, MONUSCO, za kuondoka nchini humo zikiendelea, tunamulika hatua chanya zilizochukuliwa na ujumbe huo katika kunusuru vijana waliokuwa wanatumikishwa na waasi mashariki mwa nchi hiyo.
Takribani nchi 60 duniani kote mwaka huu zikiwa zinajiandaa na chaguzi, Kamishna Mkuu wa Umoja wa Mataifa kuhusu haki za binadamu Volker Türk amezungumzia kitendo cha baadhi ya wanasiasa kuchochea ukosefu wa maelewano na chuki dhidi ya wageni kama njia ya kusaka wafuasi wa kuwaunga mkono.
