Taarifa kuhusu Virusi vya Corona

Virusi vya Corona kama dharura ya afya ya umma:Taarifa za UN News Kiswahili

Mlipuko uliripotiwa mara ya kwanza Wuhan China Desemba 31, 2019

Ukurasa huu unaleta pamoja taarifa kuhusu muongozo kutoka kwa Shirika la afya la Umoja wa Mataifa, WHO na Umoja wa Mataifa kuhusu mlipuko wa sasa wa virusi vya corona au COVID-19, ambavyo viliripotiwa mara ya kwanza Wuhan, China mnamo Desemba 31, 2019. Tafadhali tembelea ukurasa huu kupata taarifa za kila siku. WHO inafanya kazi kwa karibu na wataalam wa kimataifa, serikali na wadau kupanua ujuzi wa kisayansi kuhusu virusi hivi vipya, kutokana na jinsi vinavyosambaa na athari zake na kutoa ushauri kwa nchi na watu, kuhusu hatua za kuchukua kwa ajili ya kulinda afya na kuzuia kuenea kwa mlipuko.

Picha maktaba ikionesha wanafunzi wa shule ya sekondari ya Kyangwali nchini Uganda wakiwa kwenye picha ya pamoja na maafisa wa UNHCR na Japan baada ya makabidhiano ya majengo matatu ya maabara ya sayansi yaliyojengwa kwa usaidizi wa serikali ya Japan kabl

UN News/ John Kibego

Kwa sasa nimewaambia wakimbizi wenzangu tusishikane mikono, tusitembeleane- Acces Bazibuha

17 Agosti 2020

Makala

Sasa ni makala ambapo tunafuatilia hali ilivyo na mikakati inayowekwa na wadau mbalimbali yakiwemo mashirika ya Umoja wa Mataifa lile la kuhudumia wakimbizi UNHCR, la afya WHO na wizara ya afya ya nchini hiyo kuzuia kuenea kwa COVID-19 kufuatia mlipuko wake katika makazi ya wakimbizi ya Kyangwali na kusababisha kifo cha mkimbizi mmoja hapo tarehe nane Agosti mwaka huu. Moja ya hatua ilikuwa ni kuzuia watu kutembea huku na kule, na pia kufuatilia watu waliokutana na mkimbizi aliyeambukizwa.

Mchoro ukionesha muuza pombe za kienyeji akiwa na wateja wake.

MINUSCA/Screenshot

Kwa wasiojua kusoma, michoro kwenye kuta CAR ni jawabu katika kujikinga na COVID-19

17 Agosti 2020

Habari kwa Ujumla

Nchini Jamhuri ya Afrika ya Kati, CAR, ujumbe wa Umoja wa Mataifa wa kuweka utulivu, MINUSCA umeshirikiana na serikali kuchora picha za kuelimisha watu jinsi ya kujikinga na ugonjwa wa virusi vya Corona au COVID-19 ambao hadi sasa nchini humo umesababisha vifo vya watu 61 miongoni mwa wagonjwa 4,652 waliothibitishwa. Assumpta Massoi anaeleza zaidi.

Michoro hiyo katika mji mkuu wa CAR, Bangui pamoja na kuonesha dalili za COVID-19, pia inaonesha unyanyapaa na mbinu za kujikinga.

Picha ya maktaba ikionesha watoto mapacha wanaougua utapiamlo wakilishwa na mama yao na ndugu zao katika kambi ya wakimbizi, Juba Sudan Kusini 10 Disemba 2018)

UNICEF yasema kuendeleza huduma za msingi Sudan Kusini ni muhimu katika mapambano ya COVID-19

17 Agosti 2020

Habari kwa Ujumla

Shirika la Umoja wa Mataifa la kuhudumia watoto UNICEF, limesema muendelezo wa huduma za msingi zikiwemo chanjo kwa watoto Sudan Kusini ni muhimu sana katika vita dhidi ya janga la corona au COVID-19 na maradhi mengine. Loise Wairimu na taarifa zaidi.

Kwa mujibu wa UNICEF, nchini Sudan Kusini asilimia 60 ya watu wanakosa huduma ya maji safi, watoto milioni 1.3 wataugua utapiamlo na kiwango cha chanjo hivi sasa ni asilimia 40 tu.

17 AGOSTI 2020

17 Agosti 2020

Habari kwa Ujumla

Katika Jarida la habari hii leo Flora Nducha anakuletea

-Janga la corona au COVID-19 labadili tabia za wananchi wa Lamu Kenya utamsikia muasisi na mkurugeni wa shirika lisilo la kiserikali la Safari Doctors Umra Omar akifafanua

-Shirika la Umoja wa Mataifa la kuhudumia watoto UNICEF limesema ni muhimu kuendelea na huduma za msingi ikiwemo chanjo Sudan Kusini ili kukabili COVID-19

-Huko nchini CAR mpango wa Umoja wa Mataifa MINUSCA washirikiana na serikali kulimisha jamii kuhusu COVID-19 kwa kutumia michoro na picha