Makala

Licha ya juhudi za kimataifa za kuimarisha huduma za afya kwa kuchagiza wagonjwa kusimamiwa na watalaam wa afya kwenye hospitali zinazotambulika, waganga wa asili wamesalia na ushawishi mkubwa katika utoaji wa tiba kwa jamii. Hii ni kutokana na imani ya baadhi ya wanajamii na pia uhaba wa fedha zinazotakiwa kwenye hospitali za kipekee na  mapungufu katika hospitali za serikali.

Kwa miaka 25 ya katiba ya Jamhuri ya Uganda, vijana walio chini ya umri wa miaka 30 wamekuwa wakisaka fursa ya kukubaliwa kugombea nafasi mbalimbali za kisiasa katika serikali za mitaa kutokana na vizuizi vya sheria za uchaguzi.

Vijana hao wamekuwa wakiona kwamba hali hiyo inawanyima nafasi ya kushika nafasi za  kisiasa na hatimaye kupona ukosefu wa ajira. Hata hivyo mwezi huu wa Oktoba umekuja na marekebisho ambapo bunge limepitisha mswada wa kuondoa kikwazo hicho na kuruhusu vijana kuanzia umri wa miaka 18 kugombea nafasi mbalimbali za kisaiasa.

Nchini Tanzania harakati za kuondokana na umaskini zinaendelea kushika kasi mashinani zikipigiwa chepuo na Umoja wa Mataifa. Miongoni mwa hatua hizo ni kilimo cha kisasa cha mboga mboga na matunda kinachoendeshwa na wanawake kupitia chama cha wakulima wa mboga na matunda nchini Tanzania, TAHA. TAHA imepatiwa msaada na shirika la mpango wa maendeleo la Umoja wa Mataifa UNDP nchini Tanzania na sasa kupitia vikundi mbalimbali, wakulima wanalima mazao ambayo yanakidhi vigezo vya kuuzwa nje ya nchi.

Shirika lisilo la kiserikali la CAMFED nchini Tanzania ni moja ya mashirika yanayopambana kuhakikisha yanachangia katika kutimiza angalau malengo machache kati ya malengo 17 ya maendeleo endelevu, SDGs. Shirika hili kwa kiasi kikubwa limejikita katika lengo namba 4 linalozungumzia elimu bora na lengo namba 5 linazungumzia usawa wa kijinsia, yote hayo yakiwa yanalenga kutomwacha nyuma mtu yeyote katika maendeleo ya ulimwengu ifikapo mwaka 2030. 

Licha ya changamoto za ukimbizini hasa wakati huu wa COVID-1, bado kuna mianya ya tabasamu kwa vijana wakimbizi wanojitahidi kushiriki kwenye fursa chache zilizopo.

Nchini Uganda katika mji wa Hoima, kijana mkimbizi, Emmanuel Edema kutoka Sudan Kusini ametuzwa baada ya kuibuka msomaji bora wa habari za lugha ya Kingereza  kwenye mashindano yalioandaliwa na redio washirika Spice FM.

Wanawake 10 mkoani Tanga Tanzania wameunda kikundi cha kushirikiana kufanya shughuli mbalimbali za kujiingizia kipato ambapo wanatumia zao la mkonge au katani kutengeneza bidhaa mbalimbali, shughuli ambayo imewainua kiuchumi. Stella Vuzo wa Kituo cha habari za Umoja wa Mataifa, UNIC Dar es Salaam akiwa mkoani Tanga Tanzania amezungumza na mmoja wa wanawake hao. 

Miti huchangia kwa kiwango kikubwa katika kutunza mazingira kwa kuzuia kuenea majangwa kupitia kuleta mvua na pia kutunza vyanzo vya maji ardhini. Kwa upande wa uchumi hali kadhalika, miti ina manufaa kama vile mbao.

Mwandishi wetu wa Uganda, John Kibego ameangazia changamoto zinazowakabili watu wenye ulemavu hasa wanawake kutokana na vizuizi vilivyosababishwa na mlipuko wa COVID-19 nchini Uganda.

Wanyamapori wamekuwa  ni kitenga uchumi kwa nchi nyingi za Afrika lakini sekta hii inakumbwa na changamoto za kila siku zikiwemo uwindaji haramu wa wanyama pori wakati ndovu wakiwa miongoni mwa wanyama wanaowindwa zaidi kutokana na thamani ya pembe zake.

Jim Justus Nyamu kutoka nchini Kenya, mwaka 2012 alinzisha kampeni ya kuhamasisha kuhusu umuhimu wa kuwalinda ndovu mwaka 2012, na amefanya ziara katika nchi mbalimbali duniani kufanya shughuli hiyo.

Mwandishi wetu wa Kenya Jason Nyakundi amezungumza na Bwana Nyamu.