Lengo namba 16 la malengo ya maendeleo endelevu SDGs yaliyopitishwa na nchi wanachama wa Umoja wa Mataifa mwaka 2015 linasisitiza amani, haki na taasisi thabiti. Uvunjivu wa amani utokanao na migogoro kwenye jamii ni moja ya maeneo yanayomuikwa ili kuhakikisha amani inakuweko na hivyo kuwezesha kufikia SDGs mwaka 2030.
Shirika la Umoja wa mataifa la Afya duniani, WHO kwa ushirikiano na serikali ya Kenya wanasambaza msaada wa chakula tiba cha dharura mahsusi kwa watoto walio na utapia mlo sugu. Watoto hao wanatokea kaunti za Samburu, Turkana na Isiolo ambako ukame na njaa vimepiga kambi. Watoto takriban 10,000 watapata chakula hicho kilicho tayari kuliwa. Thelma Mwadzaya amefuatilia operesheni hiyo na kutuandalia Makala hii.
Kuunganisha kila shule kwenye mtandao wa intaneti ndio msingi wa GIGA, mradi unaotekelezwa kwa pamoja na mashirika mawili ya Umoja wa Mataifa, l
Shirika la Umoja wa Mataifa la Afya Duniani, WHO linasema idadi ya milipuko ya magonjwa iliyoripotiwa na pia dharura za kiafya zinazohusiana na tabianchi katika Ukanda wa Pembe ya Afrika zimefikia kiwango cha juu zaidi kuwahi kutokea karne hii, na hivyo kuzidisha janga la kiafya katika eneo ambalo watu milioni 47 tayari wanakabiliwa na njaa kali. Mfano wa hivi karibuni ni katika maeneo kadhaa ya Pembe ya Afrika kama Somalia.
Umoja wa Mataifa unasema robo tatu ya migogoro mikuu ya ulimwengu ina uhusiano na masuala ya kitamaduni na kwa hivyo kuziba pengo kati ya tamaduni ni jambo la haraka na la lazima kwa ajili ya amani, utulivu na maendeleo. Makaburi ya Kiyahudi huko Fez, Morocco ni ushuhuda wa utamaduni tofauti kuishi pamoja kwa amani.
Changamoto za maisha na ukosefu wa usalama ni miongoni mwa mambo yanayosababisha watu kukimbia nchi zao na kusaka hali bora nchi nyingine. Bila kujali watakayopitia wakimbizi na wahamiaji hufunga safari wakiwa na matumaini.
Changamoto ya ajira ni suala mtambuka duniani na waathirika wakubwa ni vijana ambao wengi wanahitimu masomo hadi ya vyuo kikuu lakini wanajikuta wakizunguka na vyeti kusaka ajira bila mafanikio. Kwa kutambua changamoto hiyo Umoja wa Mataifa umekuwa msitari wa mbele kuwachagiza vijana kuingia katika sekta ya ujasiriamali ambayo sio tu itawapunguzia changamoto ya ajira bali pia itawawezesha kujikimu kimaisha na kuzisaidia familia na jamii zao.
Kupitia Mpango wa Pamoja wa Kigoma (KJP), Shirika la Umoja wa Mataifa la mitaji UNCDF na wadau wake kadhaa wamewezesha uanzishaji wa vikundi vya kukopesha na kuweka akiba vya vijiji na kuimarisha ujuzi wa kidigitali na kifedha wa wanakikundi ili kukabiliana na kikwazo cha kimfumo cha wanavijiji kukosa ushirikishwaji wa kifedha. Anold Kayanda anaeleza zaidi kupitia makala hii.
Tarehe 24 mwezi huu wa Januari ni siku ya elimu duniani ikimulika mafanikio na changamoto za kufanikisha lengo namba 4 la kufanikisha elimu bora kwa kila mtu kokote aliko. Elimu bora ni pamoja na vifaa ikiwemo madaftari, vitabu na kalamu ambako kwa watoto wengine bado vinasalia kuwa anasa. Mathalani nchini Burundi ambako huko katika baadhi ya maeneo wazazi wanalazimika kufanya vibarua wao na watoto wao ili waweze kumudu madaftari ya shuleni.
Ikiwa vita vya wenyewe kwa wenyewe nchini Syria ikikariiba kuingia mwaka wa 12, azimio muhimu linalotegemewa katika kufikisha misaada ya dharura nchini humo linatarajiwa kufikia ukomo tarehe 10 mwezi huu wa Januari.
