Katibu Mkuu wa Umoja wa Mataifa amekaribisha hatua ya kufanyika kwa mkutano wa pande tatu wa mawaziri kuhusu mzozo baina ya Jamhuri ya Equatorial Guinea na Gabon, uliofanyika wiki hii kwenye makao makuu ya Umoja wa Mataifa New York.
Nchini Sierra Leone, mtu wa pili amegunduliwa kuwa kirusi cha homa ya Ebola. Ametangaza leo msemaji wa Shirika la Afya duniani WHO, Tarik Jasarevic.
Zaatari, kambi ya wakimbizi wa Syria nchini Jordan! Mzozo nchini Syria ukiingia mwaka wa Sita nuru bado haiko machoni mwa wakimbizi waliosaka hifadhi hapa. Maisha kambini hayana uhakika wakati huu ambapo usaidizi wa kimataifa nao umetindikiwa.
Leonardo DiCaprio ameyabwatia makampuni makubwa ya mafuta na gesi duniani kwa kuwa kwa kuwa na tamaa na kuchangia mabadiliko ya tabia nchi, katika hotuba yake kwenye kongamano la Uchumi Duniani mjini Davos.
Mkutano wa jukwaa la uchumi duniani huko Davos, Uswisi ukiwa umeingia siku ya pili, mada kuhusu mabadiliko ya tabia nchi na hatua za kuchukua imeangaziwa hii leo, Katibu Mkuu wa Umoja wa Mataifa Ban Ki-moon akisema mwelekeo uko dhahiri.
Katibu Mkuu wa Umoja wa Mataifa Ban Ki-moon leo ametangaza wajumbe wa kwanza wa jopo la ushauri la ngazi ya juu kuhusu afya ya mama na mtoto #Everywomaneverychild.
Nchini Kenya mfumo wa M-Pesa unaowezesha kufanya malipo kupitia simu za mkononi umeenea nchini kote, Benki ya Dunia ikikadiria kwamba hivi sasa umeanza kutumiwa na asilimia 80 ya watu nchini humo, kwa kipindi cha miaka minne tangu tu.
Katibu Mkuu wa Umoja wa mataifa Ban Ki-moon amelaani vikali shambulio la kigaidi la wanamgambo wenye silaha lililofanyika leo kwenye chuo kikuu cha Bacha Khan mjini Charsadda, Pakistan, na kuuwa watu 19 huku wengine wengi wakijeruhiwa.
Umoja wa mataifa umedhihirisha kwamba palipo na mipango kabambe basi ushirikiano wa kimataifa unafanikiwa, hayo ni kwa mujibu wa Katibu Mkuu wa Umoja wa Mataifa Ban Ki-moon alipozungumza leo kwenye kikao cha mshikamano wa kimataifa Global Compact kandoni mwa mkutano wa kimataifa wa maendeleo ya u
Mwakilishi maalumu wa Katibu Mkuu wa Umoja wa mataifa kuhusu elimu Gordon Brown ameitolea wito dunia wakiwemo wafanyabiashara kufikia lengo la dola milioni 750 katika wiki mbili zijazo ili kufadhili maeneo ya shule kwa ajili ya watoto milioni moja wakimbizi wa Syria.
